ORANJESTAD (AAN): FAVI conhuntamente cu Aruba Excellence Foundation, a organisa un workshop como parti di nan
preparacion pa atende un conferencia di tecnologia na Orlando Florida na 2025 pa personanan cu limitacion.
Clientenan di FAVI lo tin e oportunidad pa intercambia cu diferente persona cu tambe tin limitacion y lo bay representa Aruba.
Pa e motibo aki FAVI a traha hunto cu A.E.F. pa su clientenan por ta bon ekipa y prepara pa e biahe aki.
Clientenan di FAVI cu a forma parti di A.E.F. su workshop di A.C.P. tawata: Sandra Vrolijk, Edwin Ras, Dani Boekhoudt, Liza Tromp y Naftely Koolman.
Sary Wernet Kelly, terapista di revalidacion di FAVI, a coordina e encuentro aki hunto cu A.E.F. su coleganan Susana y Giovanni.
