FAVI ta celebra 50 aña meymey di retonan pa e personanan cu limitacion visual

ORANJESTAD (AAN):  Fundacion FAVI ta celebrando 50 aña di existencia y den cuadro di e momento special aki, André Kelly, President di e fundacion,

a duna di conoce cu nan meta principal ta pa trece alegria den bida di e clientenan cu ta personanan cu limitacion visual.

            E intencion ta pa saca nan for di isolacion pa trece alegria den bida. FAVI tin clientenan cu a nace ciego y esunnan cu a bira ciego of tin limitacion visual.

            FAVI ta yuda nan clientenan desaroya nan habilidadnan, manera siña cushina, siָña Braille. Bida no a caba. Djis a cambia, Kelly a enfatisa.

            Un di e retonan cu ta confronta ta cu e infrastructura di Aruba no ta apto pa personanan cu discapacidad. Esaki ta algo cu mester traha riba dje y corda cu e personanan aki tambe ta forma parti di e comunidad y crea accesibilidad, Andre Kelly a expresa.