Famoso Michelin Star Chef François Geurds lo deleita Aruba cu cuminda impecable na Aruba Marriott Resort

ORANJESTAD (AAN): Diahuebs mainta den Amsterdam Ballroom di Aruba Marriott Resort & Casino, a haci e anuncio oficial di algun anochi di cuminda impecable y cu sabor internacional,

cu ta ser haci den cuadro di bishita di e mundialmente famoso François Geurds, kende ta un ‘Michelin Star Chef’.

   Pa cuminza, Aruba Marriott Resort ta uni forza cu Chef Geurds aki procedente di Rotterdam, pa 3 anochi di sabor impecable.  E prome ta awe Diabierna, cu ta inclui un cena di 6-curso cu su biña.

   Riba Diasabra y Diadomingo nan lo tin cuminda cu un toque di clasiconan di Aruba, hunto cu 5 chef local renombra di e isla aki.  Esaki ta wordo yama “Aruban Classics Revisited”.  Chefnan manera Ever De Peña, Teddy Bouroncle, Andres Davila, Sebastian Cechet, y Urvin Croes lo ta combinando forza e dos anochinan ey cu Chef Geurds.

   A ser splica na prensa, cu durante su estadia na Aruba, Chef François Geurds lo bay ta guiando un grupo di 6 studiante culinario di Colegio EPI, y lo duna chens tambe na 2 di e studiantenan aki haci un viahe y core stage na un di su famoso restaurantnan di Michelin Star na Hulanda.

   E partnership aki cu Aruba Marriott Resort no ta djis un chens pa laga clientenan disfruta di cuminda trendy, pero tambe ta yudando futuro hobennan den nan carera pa por bira un top chef tambe.

   Gerente General di Marriott, Raoul Lemmerling a duna tur hende un bon bini, incluyendo representantenan di Aruba Tourism Authority, tambe Colegio EPI, y e Michelin Star Chef, François Geurds.

   Aruba Tourism Authority tambe ta dunando nan contribucion den e partnership aki, y esey por les’e den un otro articulo.