Famianan a ricibi curpa di Franklin Henriquez na Olive Tree Funeral Home

Despues di 8 dia cu su bida a wordo ranca cruelmente,

ORANJESTAD (AAN): Diamars, a haci 8 dia cu bida di Franklin Henriquez a wordo ranca cruelmente pa un miembro di Cuerpo Policial di Aruba. Y net 8 dia, cu su curpa sin bida a wordo entrega na famia.

Pa 3or di atardi, famia a reuni na Olive Tree Funeral Home, pa wak nan ser stima pa prome biaha despues di e atardi tristo cu a cambia nan bida pa semper. Riba e potret, por mira un mama cu no tin consuelo, yorando su yiu. 

Diamars 27 di januari tawata un dia cu famia di Franklin Henriquez nunca a pensa lo bati na nan porta. Na unda, pa motibo di un fayo den sistema di cuido medico, y falta di experencia di un miembro di cuerpo policial, a ranca nan ser keri for di nan.

Famia ta asigura cu no tawata tin motibo pa a tira riba nan ser keri pasobra e no a bira agresivo y no tawata peligroso.

Sinembargo, mientras su mama tawata roga pa lag’e, cu su mes lo hib’e respaldo, polis a los tres tiro mortal riba Franklin.

Investigacion ta tumando luga, y pronto lo bin claridad na loke a pasa e atardi scur aki.

Franklyn, den famia, bario y ken cu conoce, ta bisa cu e tawata semper un persona di bon manera, keto y cu un curason grandi.

Palabranan di profundo condolencia ta bay na famia henter. Cu Franklin sosega na paz.