ORANJESTAD (AAN): Bierna Santo nan lo tin nan Caminda di Cruz den oranan di marduga!
Famia Figaroa, cu tin un grupo di oracion, ta invita tur deboto pa participa na nan Caminda di Cruz, cu lo ta Diabierna 15 di April 2022.
DIARIO a compronde, cu e diferente intencionnan, lo wordo anuncia prome cu cuminza cu e Caminda di Cruz start, for di Centro Deportivo Frans Figaroa na Noord, sigui via Montaña pasa door di Sabana Liber rumbo pa Kapel di Alto Vista. E lo sali pa 4:00 am.
Nan ta pidi tur hende pa bin cu flashlight y cu boter di awa.
Como famia, nan lo sigui cu e bunita iniciativa di nan Mama stima, señora Johanna Figaroa (q.e.p.d.) a cuminza mas cu 50 aña pasa.
Un danki di curazon na tur esnan cu pa añanan largo fielmente ta acompaña nan. Cu Dios Tata Todopoderoso bendiciona boso riba boso caminda di bida, cu hopi felicidad, prosperidad, y salud.
