ORANJESTAD (AAN): E ultimo biaha cu el a mira solo, tabata dia 2 di October 2021 ora el a bay den e Mina di Fosfaat den Colony,
pa asina cu un solo meta su dilanti, pa stimula pueblo pa yuda den recaudacion di fondo pa Aruba por haya su Mega Museo di Antiguedad. Esey ta e perseverancia cu e ciudadano Heintje Ras tin pa logra su meta.
Dia 11 di December cu a pasa, el a logra kibra e Guinness Book of World Records pa mas hopi dia den Mina sin mira solo ni luna. E record ey di 70 dia ta uno cu tabatin hopi balor pa Heintje Ras, y a sigui pa asina logra 100 dia.
No ta facil pa logra un hazaña di e nivel aki. Pueblo di Aruba mester tin balor pa un yiu di tera cu a haci algo, cu e meta pa recauda fondo. Pues por fabor, cualkier placa larga, of suma cu bo tin pa yuda cune, haci esaki.
Keto bay bo por haci donacion via cuenta #7700000100257292 di RBC Bank. Ban yuda Heintje yega na e Mega Museo di Antiguedad.
Heintje mientras tanto su bigote y barba a crece, y aunke eybao ta hopi calor, toch e ta mira cu ta djis 10 dia so falta pa asina riba Diadomingo 9 di Januari 2022 e lo sali di eybao.
E dianan aki na varios Rotonde, lo bay tin voluntarionan ta recauda fondo for di automobilistanan pa e bon causa aki di Heintje Ras.
