Rulienne Arends, Trahador Preventivo:
ORANJESTAD (AAN) – Rulienne Arends, Trahador Preventivo di FADA, a expresa den un entrevista, cu pa FADA ta un honor di por participa den e Opleiding di Salud Mental, mirando cu recientemente e Fundacion a cuminza recientemente, cu e parti di prevencion di salud mental, tambe.
Rulienne a menciona cu hunto cu su colega, nan ta hayando hopi informacion valioso, pa conoce un tiki mas di locual ta salud mental, y wak otro coleganan den veld kico nan ta haciendo caba, kico ta e metodonan nobo cu por wordo aplica na Aruba.
Nan ta scucha di coleganan di otro paisnan tambe, manera Curacao, Bonaire, Sint Maarten, Saba cu tambe tey, con e situacion ta cerca nan, kico ta loke nan ta haci, con importante eigenlijk e parti di prevencion ta, y cu por informa comunidad si ta wak señalnan kico pa haci, y por splica comunidad cu un bez bo bay den guia kico mas of menos por spera bo tambe, pa por compronde un tiki mas di esey.
Rulienne a reitera cu ta hopi informacion nan a haya y tin hopi cos cu por incorpora na FADA den e parti di prevencion.
Rulienne a comenta cu nan a wak un video di Bonaire, cu a touch nan hopi, unda un menor sa cerca ken e tin cu bay, kico pa bisa, ki pregunta pa haci, y e tipo di videonan aki ta algo cu tambe por incorpora na Aruba, pa alerta no solamente e menor pero tambe esnan rond di dje, kico ta e situacionnan cu ta pasa cu tin ora nos no por pensa cu por afecta e salud mental di un mucha of un hoben. Pues tur e tips cu nan ta hayando aworaki y e lunanan nos dilanti, tin cosnan cu nan por hinca den e parti di prevencion, pero tambe haci algun ahuste pa loke ta e comunidad di Aruba y su cultura.
Ya caba e cu su otro colega, sintando cu e grupo di Hunto, nan tin cierto metodo cu nan ta haya cu ta pas den prevencion, of cu mester ahuste un tiki pa duna un man na nan coleganan, ora nan tin cu referi pa nan por haya yudanza.
