Juendel Sprok: --- ORANJESTAD (AAN): Diabierna atardi despues cu minister di Husticia y Asuntonan Social Rocco Tjon a firma un Memorandum of Understanding (MoU) cu
Respaldo, HAVA, SPD, FMAA y FADA, Juendel Sprok di FADA a hiba palabra y a bisa cu FADA ta hopi contento cu e acuerdo aki.
“Pa loke ta e parti di prevencion mi ta contento, pasobra porfin nos por dedica nos mes mas ainda pa traha riba e area di prevencion”.
Nos mester mas fondo pa haci esaki y nos mester yega mas cerca di nos comunidad.
E parti di salud mental ta algo hopi importante aworaki y mi ta kere cu e cooperacion aki unda cu nos por haci uso di e conocimento di e otro departamentonan, nos por bin cu un campaña y programa hopi bon pa nos comunidad, den e parti di adiccion y salud mental, segun Sprok.
El a sigui bisa cu comunidad mester keda pendiente, pasobra awor FADA lo traha tambe riba e parti di salud mental.
