Fabuloso Iron Order Bike Ride na Aruba

ORANJESTAD (AAN): Despues di varios luna di preparacion, coordinacion, y haciendo e trabao logistico, porfin riba Diasabra atardi e evento di Iron Order Bike Ride a start na Aruba.

   E evento organiza pa Iron Order Motorcycle Club Aruba, hunto cu Iron Order Caribbean, a cuminza cu stel op riba parkinglot di Departamento di DIMP na Camacuri.  Y loke ta fenomenal ta cu un cantidad di hende a bin di exterior pa participa na e evento aki. 

   Monton di miembro di Iron Order di varios estado na Merca, e.o. Alabama, New York, New Mexico, Oklahoma, North Carolina, Texas, y tambe di Alemania, como tambe Suriname, Curacao, y Bonaire tabata presente.

   Cu escolta Policial, e Iron Order Bike Ride a sali rumbo pa Palm Beach, unda a pasa dilanti tur Highrise Hotels, y a sigui pa Eagle Beach, y despues pasa riba Watty Vos Boulevard y stop na Parkinglot di DOW y DIP pa un break.  Despues a sigui cu e Ride te na Baby Beach na San Nicolas, unda atrobe a tene un break.

   Finalmente a sigui te na e Centro di SKA unda nan a tene un fiesta pa tur miembro.