VALENCIA: Na ciudad di Guacara na estado Carabobo, a wordo inaugura un fabrica cu ta bay ensambla motorcycle cu tin e nomber di ‘Toro Motorcycles’,
y asina el a bira e sede principal di e compania cu lo bay funciona awor na Venezuela.
E director general di e compania, Andrés Beirouti, a bisa cu e meta principal ta pa bin cu un chens unico pa tur venezolano, di por ta doño di un motorcycle di calidad cu ta dura bon, y na prijs inigualable.
El a bisa cu e seyo poni riba dje ta 100% Venezolano, y cu nan pasion pa calidad y potencia lo wordo refleha den tur unidad cu sali di e fabrica. Nan lo tin un ekipo di tecnico hopi capacita, cu ta bay sigura cu tur componente di e motorcycle ta cumpli cu standardnan mas exigente di calidad y seguridad.
Segun Berouti, e fabrica di Toro Motorcycles aki ta pone nan bay competi cu un solo marca: Esun di nan mes.
E compania lo bay duna mas di 500 cupo di trabao sea direct of indirect, generando asina un impacto positivo den economia local y regional.
