Sharon Meijer ta splica:
ORANJESTAD (AAN): Sharon Meijer Policy Advisor Foreign Economic Relations na Departamento di di Asuntonan Economico y Industria a duna di conoce cu Departamento di Asuntonan Economico, Comercio y Industria y su unidad Exprodesk, ta organisa den colaboracion cu Full Stack Vision FND y faciliata door di MATEVO Multiverse e proyecto ‘Arubaverse 2.0’.
E proyecto lo tin varios tayer/ meetups mensualmente for di augustus 2023 pa maart 2024. E prome meetup lo tuma luga diaranson 30 di augustus na Departamento di Asuntonan Eocnomico, Comercio y Industria (L.G. Smith Boulevard #160 Sun Plaza Building 2nd Floor), di 6:30 pm pa 7: 30 pm.
Participacion ta gratis y e idioma lo ta papiamento y ingles. Pa por participa mester registra na: https://arubaverse.io/
Proyecto ‘Arubaverse 2.0’
E proyecto ‘Arubaverse 2.0’ ta wordo organisa pa tur entrepreneur y comerciante local. Durante e meetups di ‘Arubaverse 2.0’, participantenan lo ricibi informacion tocante ‘Free Artificial Intelligence (AI) tools’; ‘digital assets latest trends’; con AI por yuda’bo adapta of crea un modelo comercial nobo; ‘user-centric design principles’; conocemento di ‘computing systems’ y nan aplicacionan practico; mercadeo digital; ‘data-driven decision-making’; simplificacion di conceptonan di algoritmo y structuranan di data; ‘blockchain’; e futuro di e pagonan digital; bienes digital/NFT y mucho mas!
Tambe durante henter e proyecto ta pidi tur participante pa bin cu nan laptop pa asina experiencia pa nan mes den un forma practico con pa aplica imediantamente tur loke nan a siña.
Oradornan local y internacional
Lo tin varios orador local y internacional durante e proyecto aki. Pa dia 30 di augustus 2023, lo tin e oradornan local kende ta sr. Germille Geerman y sr. Ruben Metevosyan di MATEVO Multiverse y tambe sr. Bruce Harms di Full Stack Vision FND.
