ORANJESTAD (AAN): Departamento di Asunto Economico, Comercio y Industria (DEACI), pa medio di su unidad Exprodesk,
ta anuncia e workshop di 3 dia “Creatives Without Borders: Turning Creativity into Export Opportunities.” E workshop aki ta enfoca riba yuda creativonan local explora con nan talento por bira un oportunidad internacional y crea ingreso for di mercadonan pafo di Aruba. Participacion ta completamente gratis!
Durante tres dia, participantenan lo haya conocemento riba areanan esencial pa explora oportunidadnan di exportacion creativo:
Dia 1 (15 April, 6pm-8pm) – Your Creativity Is a Product: Understanding Creative Exports
Participantenan lo siña con por considera nan creatividad como un producto pa exportacion. Lo discuti modelonan manera servicio digital, licencia, colaboracion internacional y benta di contenido creativo.
Dia 2 (16 April, 6pm-8pm) – From Art to Income: Monetization & Market Access
E sesion aki lo enfoca riba con creativonan por genera ingreso internacional. Participantenan lo explora “monetization models”, prijs pa clientenan internacional, y con pa identifica mercadonan realista pa nan producto of servicio creativo.
Dia 3 (17 April, 6pm-8pm) – Protect, Position & Prepare: Your Next Steps as a Creative Exporter
E ultimo dia lo enfoca riba proteccion di trabou creativo, basenan di propiedad intelectual, y con pa posiciona bo creatividad pa audiencia internacional. Participantenan lo haya guia practico pa prepara nan pa e siguiente paso den mercado internacional.
“Creatives Without Borders” ta habri pa artista, musico, escritor, diseñador y “creative freelancers” como tambe “Creative entrepreneurs” cu kier explora mercadonan internacional
E iniciativa aki ta contribui na diversificacion di exportacion di Aruba door di desaroya e sector creativo. Door di combina conocemento practico cu guia di expertonan, e workshop lo yuda creativonan identifica oportunidadnan internacional y prepara nan pa drenta den mercadonan global.
E evento lo tuma lugar na .G. Smith Boulevard 160, Second Floor, Room C y por registra na https://cutt.ly/Creatives26 of tuma contacto cu This email address is being protected from spambots. You need JavaScript enabled to view it.
