Exposicion special: 45 aña di Matutino DIARIO na Arubiana-Caribiana di Biblioteca Nacional

Comparti nos Herencia!

ORANJESTAD (AAN):   Departamento Arubiana-Caribiana di Biblioteca Nacional Aruba ta organisa e exposicion special titula “45 aña di Matutino DIARIO”, cu ta forma parti di e conversatorio “Comparti nos Herencia”.

E exposicion lo ta habri pa publico for di 3 te 14 di november 2025, na e edificio di Biblioteca Nacional Aruba, Bachstraat 5, Oranjestad.

Durante e exposicion, e bishitantenan por disfruta di un coleccion di edicionnan historico di e matutino DIARIO, un di e medionan di comunicacion mas importante den historia di Aruba.

Ta un oportunidad unico pa mira di cerca e evolucion di e periodismo local y e papel cu DIARIO a hunga den forma e identidad y herencia cultural di nos isla.

E evento ta un parti di e esfuerzonan continuo di Biblioteca Nacional pa preserva y comparti e patrimonio cultural di Aruba cu tur hende.

Pueblo henter ta cordialmente invita pa participa, comparti y celebra 45 aña di historia, palabra y progreso di Aruba!

Luga: Biblioteca Nacional Aruba – Departamento Arubiana-Caribiana

Fecha: 3 – 14 di november 2025

Ora: Dialuna y Diaranson di 8:00 a.m. – 5:00 p.m. / Diamars, Diahuebs y Diabierna di 8:00 a.m – 5:00 p.m.