Exposicion 'Nos Laman y Turtuganan' na UNOCA

 *Bunita iniciativa pa conscientisa riba e balor di lama y turtuga

ORANJESTAD (AAN):   Diasabra anochi, na UNOCA, a tuma lugar apertura di e bunita exposicion 'Nos Laman y Turtuganan'.

DIARIO a combersa cu Jo-ann Kock, e artista tras di e proyecto aki y el a enfatisa riba e meta cu ta conscientisa e hobennan pa medio di arte.

Nan a siña mas hopi tocante e bida marino, coralnan, turtuganan, entre otro. E hobennan a uza diferente tecnica y creatividad cu a wordo refleha den nan pinturanan.

Kock tabata e maestra cu a guia nan den e proceso aki di conscientisacion cu tambe ta enfoca den comunidad en general.

E expo lo ta habri henter e siman aki na UNOCA, ubica na Stadionweg 21.