Exposicion di arte ‘Emotions’ drentando su ultimo siman

ORANJESTAD (AAN): Dia 25 di october, 2021 e exposicion di arte di Laureen Eman tabatin su apertura den e salanan di UNOCA.

Centenares di bishitante ta gozando y admira y te hasta cumpra un obra di nan gusto.

Durante e prome dos siman tambe tabata tin dos scol cu a bishita y por a haya un rondleiding di Laureen mes.

Riba diahuebs, diabierna y diasabra, hopi amante di arte por disfruta tambe di curso di arte den e tecnica di ‘palette knife’ y alcohol ink.

Diahuebs awor ta toca turno na Club Kibrahacha, kende lo bin pasa un rato placentero disfrutando di koffie, bolo y alabes admira e obranan.

Otro siman ainda lo ricibi bishita di Prinses Amalia Basisschool, Pius X y Fatima College.

E exposicion tambe lo yega na su final. Dia 18 di november e cumpradonan lo bin recoge nan obranan cu lo marca tambe e clausura di e exposicion.

Laureen ta invita tur cu ta desea ainda di wak e obranan, pa no perde e oportunidad di distrae y relaha un rato mientras ta admira e obranan.

Diaranzon november 17 ta e ultimo dia cu e exposicion lo ta completo.

Laureen ta gradici tur cu a bishita e exposicion caba y tur cu den un forma of otro a coopera pa haci e exposicion ’Emotion’ un realidad.