Exitoso torneo di pesca di Wind Creek Aruba Open 2023

Torneo a yuda recauda fondo

ORANJESTAD (AAN): Recientemente Minister di Deporte Endy Croes a asisti na Lucy's Retired Surfers Restaurant pa e competencia di pesca mas grandi di Aruba, esta Wind Creek Aruba Open 2023 cu ta organiza pa Sidney Ponson Charity Foundation.

   Durante e anochi ameno aki, Minister Endy Croes a haci entrega di premio na e ganado.

   E pisca di mas grandi cu a pesca den e ocasion aki tabata un “Blue Marlin” di 176 kilo.

  E meta principal di e torneo aki tabata pa recauda fondo pa esnan den necesidad. Un bunita iniciativa di Sidney Ponson Charity Foundation, unda cu 125 famia lo ricibi un macutu di cuminda pa e temporada di Pasco y Aña Nobo. Pa finalisa, Minister Endy Croes ta felicita Sr. Sidney Ponson y team completo cu a organiza Wind Creek Aruba Open 2023, alavez ta felicita tur esnan cu a participa den e torneo aki.