Exitoso tabata sesion special pa adultonan mayor na MFA Santa Cruz

Aruba Bank ta apoya concientizacion riba abuso financiero

ORANJESTAD (AAN): Aruba Bank a participa orguyosamente den un sesion significativo cu a tuma lugar diasabra ultimo na MFA Santa Cruz, cu e meta pa informa y educa e comunidad di adulto mayor riba diferente tipo di abuso, cu un enfasis fuerte riba Abuso Financiero.

  E evento a habri un dialogo liber pa adulto mayor por siña con por proteha nan mes contra abuso financiero. Representantenan di Aruba Bank a comparti consehonan practico, incluso recomendacionnan relaciona cu un conscientisacion di e banco: No sea un victima – Proteha bo mes di fraude, cu ta enfatisa con pa proteha bo PIN, evita solicitudnan no usual, y tene cuido cu bo informacion personal.

  Ta importante pa nos comunidad di adulto mayor sinti nan empodera y bon informa. Pabien na e organizadornan y participantenan pa nan dedicacion pa logra un evento exitoso.