Exitoso tabata e actividad pa stimula amor pa futbol cerca mucha muhe

ORANJESTAD (AAN): E actividad a wordo yama ‘Step Into Her Game’. 

E tabata un accion pa laga tur mucha muhe interesa yega pa mira si nan por haya inspiracion pa bira e siguiente generacion di futbol femenino na Aruba.

   Recientemente AVB a organiza “Step Into Her Game - Girls’ Open Day” na Compleho Deportivo Frans Figaroa, como parti di e FIFA Women’s Football Campaign.

   E iniciativa a brinda mucha muhenan di 11 aña bay ariba e oportunidad pa experimenta futbol den un ambiente divertido y positivo. Durante e mainta, e participantenan a disfruta di sesionnan practico riba veld, conoce clubnan local y haya mas informacion tocante e oportunidadnan cu tin pa nan dentro di futbol.

   Ademas, durante un panel interactivo, diferente profesionalnan y personanan involucra den futbol a comparti experiencia y informacion tocante temanan manera bienestar, sosten di famia, safeguarding, salud menstrual y desaroyo di futbol femenino na Aruba.

   A traves di e FIFA Women’s Football Campaign, AVB ta sigui crea oportunidad pa mas mucha muhe descubri futbol y contribui na fortalecemento di futbol femenino na Aruba.

   Pa mas informacion tocante AVB su Women’s Football Development Strategy na This email address is being protected from spambots. You need JavaScript enabled to view it. y proximo iniciativanan, tuma contacto cu e Women’s Coordinator y keda pendiente pa e di dos edicion di “Step Into Her Game” luna venidero.

   E potretnan aki pa cortesia di AVB Bond Aruba.