Exitoso ride di Seroe Biento Boys pa recauda fondo

ORANJESTAD (AAN): Riba Diadomingo a tuma lugar e exitoso Bike Ride, organiza pa Seroe Biento Boys Motorcycle Club Aruba. 

Segun Delwyn Hernandez, a bisa cu e ta gradici tur Biker y demas ciudadano di Aruba, cu a sostene nan cu e actividad ey.

   Nan meta cu e ‘2^nd Rowley Memorial Bike Ride’ tabata pa yega na 200 participante, y segun Hernandez, nan a logra esey tambe.  “Mi ta hopi contento y agradecido na tur hende cu a sostene nos,” Delwyn Hernandez a bisa.  El a agrega cu esaki ta un seyo pa demostra cu Seroe Biento Boys a yega, y tur aña lo bay organiza e actividad aki.

   E Bike Ride a sali for di Italo Arubano na Cumana.  Un Fundacion local lo bay ricibi un donacion e siman aki di e organizacion.