Exitoso presentacion di buki ’70 Aña di Statuut’

Obra di René Rosalia na Biblioteca

ORANJESTAD (AAN): Dialuna ultimo, a tuma luga na Biblioteca Nacional Aruba (BNA), e presentacion di e buki ’70 Aña di Statuut’ na unda cu e autor, mr. dr. René Rosalia, hurista y antropologo cultural, tabata presente pa duna un charla y alabes pone su buki disponibel pa esnan cu kier a cumpra.

   Un publico grandi y cu hopi interes a scucha e discurso di señor Rosalia kende a duna un resumen di 7 decada di Statuut y su historia y a bay atras te den tempo di indigenanan na Corsow te cu actual.

   Señor Rosalia a elabora riba kico ta nifica Statuut, e beneficionan cu Statuut a trece y e desventahanan di Statuut. ’70 Aña di Statuut’ ta un buki hopi interesante.