Exitoso ‘Mainta Literario’ organiza pa Comision di OPPA

ORANJESTAD (AAN): E manera cu Organizacion di Pensionadonan Publico Arubano a escoge pa festeha Dia di Himno y Bandera,

ta completamente diferente!  Fuera cu nan a tene esaki riba un otro fecha, tambe a djis haci esaki den forma di un “Mainta Literario”, cu a ser teni riba Diabierna siman pasa.

   Ivo Valdes di OPPA a splica cu e Mainta Literario a wordo organiza, como cu entre e pensionadonan miembro di e organizacion, tin hopi talento mes.  Pesey a tene e mainta aki.

   Comision di Actividad di OPPA a traha riba esaki, y a ricibi como 8 autor cu a presenta nan obra.  Publico a acudi pa asina admira cada obra literario cu a wordo presenta na nan.

   Como cu e espacio den e ‘Cas di OPPA’ ta limita, ta esnan cu a inscribi nan nomber prome so a haya lugar pa asisti na e Mainta Literario aki.  Y nan a goza un mundo di e creatividad, e presentacion, y sigur calidad di obra literario.

   Pensionadonan na Aruba ta keda confia riba OPPA pa crea actividadnan asina pa nan!