Exitoso evento di Colegio San Antonio Expo & Sale

Aruba Bank y Qredits Aruba ta felicita nan

ORANJESTAD (AAN): Recientemente Colegio San Antonio a organiza un Expo & Sale en conexion cu Qredits Aruba su programa “BeYourOwnBoss”.

E programa “BeYourOwnBoss” a inicia desde aña pasa y ta conta cu participacion di mas cu 10 scol secundario riba nos isla.

   Studiantenan di klas 3 cu ta participa na e programa di “BeYourOwnBoss” ta ricibi extra guia durante nan les di economia pa asina por ta un entrepenuer exitoso den futuro.

   Ademas di esaki studiantenan a ricibi varios presentacion di expertonan local y coachnan di Qredits Aruba cu a comparti nan experiencia y tips valioso.

   Durante e Expo & Sale di Colegio San Antonio nos a presencia un actividad bon organiza y bishita. Nos futuro entrepenuernan a comparti nan productonan cu comunidad.

   Nos ta felicita Colegio San Antonio cu e tremendo iniciativa aki y ta desea tur otro scol hopi exito den e etapa final di e programa educativo “BeYourOwnBoss”.