Exitoso dia deportivo pa alumnonan di Mon Plaisir College HAVO y VWO

ORANJESTAD (AAN): Recientemente e alumnonan di Mon Plaisir College HAVO y VWO a goza di un fabuloso Dia Deportivo.

   Esaki a tuma lugar den oranan di mainta tanto paden como pafo di Compleho Deportivo Simeon Antonio.

   Tabatin tur sorto di competencia, wega, y algun cu hopi reto prepara pa e alumnonan, y e ambiente a keda positivo.  Studiantenan a hari un mundo durante e dia aki, y alavez a siña con pa haci un berdadero team work, y mustra nan deportivismo.

   Un danki na e Team di docentenan di L.O. cu a yuda cu e organizacion y nan esfuerzonan pa haci esaki un dia exitoso.