Paga bek bo debe di estudio? No paga mas cu necesario!
ORANJESTAD (AAN): Tin algun ex-studiante cu ta pagando bek un suma mensual mas halto cu necesario pa paga nan debe di estudio. P’esei, Dienst Uitvoering Onderwijs (DUO) ta paga atencion extra na esaki durante e bishita di otoño na e region di Caribe.
For di fin di september te cu cuminzamento di November consecutivamente lo bishita Saba, St. Eustatius, St. Maarten, Aruba, Bonaire, y Curaçao. Riba cada isla, durante e bishita lo habri oficina di servicio temporal, y riba algun isla DUO lo organisa encuentronan di informacion tocante financiamento di estudio.
Habitante di e region di Caribe cu ta paga bek un debe di estudio na DUO, hopi biaha ta paga un suma mensual mas halto cu necesario. Generalmente, e motibo pa esaki ta cu entrada di esun cu ta paga bek no ta conoci cerca DUO, cu consecuencia cu no ta tene cuenta cune den calculacion di e suma mensual. Hopi di esnan cu ta paga bek no sa cu nan mes mester pidi pa baha e suma mensual, y cu hunto cu esey nan mes tambe mester duna nan entrada. Ademas, e suma mensual despues di e recalculacion nunca no ta bira mas halto cu e suma mensual original.
Esnan cu ta paga bek cu ainda no a pidi pa baha e suma mensual, na september lo ricibi un mail di DUO. Den e mail lo indica kico nan por haci. Tambe nan ta bon bini na un di e oficinanan di servicio temporal di DUO pa pidi e rebaho of pa pregunta tocante e topico aki.
Oficina di servicio temporal: Pa pregunta tocante pago bek di e debe di estudio cerca DUO of tocante financiamento di estudio, por pasa na un di e oficinanan di servicio temporal. E empleadonan tambe por yuda cu yenamento di formulario, of ora un hende no tin acceso na ‘Mijn DUO’ mas.
Ex-studiante cu ta paga bek un debe di estudio, na e oficina di servicio por pidi un rebaho di nan debe di estudio. Ta hende si mesora nan trece un declaracion di entrada di 2021 y 2022, pa asina e empleado di DUO por yuda mesora.
Pa un bishita na un oficina di servicio no ta necesario pa traha un cita. Un tarheta di identificacion valido si ta necesario.
Informacion online via webinar: Den e webinar ‘Paga bek for di region di Caribe: con e ta funciona?’ DUO ta duna splicacion tocante entre otro peticion pa baha e suma mensual, dunamento di e entrada, y e bentahanan di paga bek local.
Tambe tin un webinar special pa futuro studiante cu no por ta presente na e encuentronan di informacion tocante pidi financiamento di estudio (akibou tin mas informacion tocante e encuentronan aki) of ta biba na Saba of Sint Eustatius.
Tur dos webinar ta gratis y ta obtenibel cu subtitulo na ingles.
Encuentronan di informacion futuro studiantenan: Futuro studiante y nan mayornan por meld na tur e islanan (excepto na Saba y Sint Eustatius) pa a encuentro di informacion ‘Pidi financiamento di estudio for di e region di Caribe: con e ta funciona?’ Durante e encuentronan, DUO ta conta kico financiamento di estudio ta consisti di dje, con y na unda studiantenan mester pidi financiamento di estudio, y kico mas nan mester regla. Naturalmente, tambe tin espacio pa haci pregunta.
Despues di un bishita na un oficina di servicio, e encuentronan di informacion of e webinars ainda tin pregunta? E ora ey bo por haci un videocall cu DUO of laga DUO yama bo. Pa tur posibilidad pa contacto, wak riba duo.nl/antillen.
For di dia 10 te cu 20 di October, DUO lo ta na Aruba. Bo por haya mas informacion tocante e oficinanan di servicio temporal, e encuentronan di informacion y e webinars riba duo.nl/bezoekantillen.
