ORANJESTAD (AAN): Siman pasa riba Diahuebs, cu Ambulance a transporta ex-Ministro Paul Croes for di Prison di KIA pa Hospital como cu el a bira malo.
Aki el a ricibi tratamento, y e resultado di test y demas examen cu tin di wordo haci, tabata suficiente pa Docter indica cu e tin di keda hospitaliza. Sinembargo Croes no tabata di acuerdo, y a dicidi cu e ta regresa Prison di KIA bek.
Pero e siguiente dia, riba Diabierna el a bolbe bira malo, y un biaha mas cu Ambulance a wordo hiba te na Hospital. E biaha aki e prognose ta mas serio, y pa e haya mihor tratamento cu por produci resultado desea, Docternan a dicidi pa e keda e biaha aki si den Hospital.
Esaki ta pa por tin mihor observacion riba su señalnan vital, y pa haci mas test.
