ORANJESTAD (AAN): Ex-Minister Hulandes di Husticia, esta Prof, Dr. Ernst Hirsch Ballin a firma
e registro di condolencia na Gabinete di Aruba pa ex-prome Minister Henny Eman kende riba 6 di Januari ultimo a fayece na e edad di 76 aña.
Hirsch Ballin banda di tabata Minister di Husticia den Gabinete Lubbers III, el a ocupa tambe di 1989 te cu 1994 e funcion di Minister pa Asuntonan Antiyano y Arubiano. Den e epoca ey, constantemente noticianan encuanto Hirsch Ballin tabata sali den prensa na Aruba, y di reunionnan cu e tabatin cu Gobierno di Aruba. E potret ta cortesia di Arubahuis.
