Ex Minister di Husticia Rudy Croes a fayece diasabra

ORANJESTAD (AAN):   Diasabra a drenta e lamentabel noticia cu ex minister di Husticia di Aruba, Rudy Croes a fayece na edad di 75 aña despues di un lucha hopi fuerte contra di e malesa di cancer.

Tabata conoci cu Rudy Croes tabata tin algun tempo malo pero Dios a yema den su regazo riba diasabra. Croes a destaca como politico. E tin un trayectoria basta largo.

E tabata miembro di partido Movimiento Electoral di Pueblo (MEP). E tabata tambe ruman di libertador di Aruba Francois 'Betico' Croes. El a fungi como Minister di Husticia entre 2001 y 2009. Na 2009, el a bandona su carera politico, pero a sigui como un persona influyente den Partido MEP y como asesor di su gobierno te su fayecimento.

E ta laga atras su casa, Damia Arends, su yiunan Dione Croes, Reu Croes, Ofo Croes y Beto Croes. DIARIO ta expresa palabranan di sentido pesame na henter famia y conocirnan.  Cu Rudy sosega na paz.