ORANJESTAD (AAN): E siman aki e noticia tristo a drenta cu e dama Sira Petra Booy-Mercera,
conoci pa hopi hende como ‘Señora Sira’ of simplemente ‘Señora’, a fayece.
E ta uni asina cu su casa cu a bay prome, y ta e gran locutor y presentador na radio, esta Caruso Booy. Despues di a traha hopi aña pa Radio Antillana riba banda di AM, Caruso a logra den decada di 1980 pa habri su propio emisora ‘Radio Caruso Booy’ cu studio prome den Boulevard Mall na Playa, y despues a muda pa su cura di cas na Generaal Majoor de Bruynewijk na Savaneta. Su antenna di transmision pa e emisora na 102.7 MHz, antes tabata na area di Bloemond/Babijn, y despues a bay pa riba sero di Hooiberg.
Despues di fayecimento di Caruso, e ora Sira Booy mes a tuma over maneho di e emisora, y a guia esaki te ora cu e emisora a cera y stop di transmiti.
Señora Sira Booy conoci pa un actitud hopi social, semper ta habri pa ideanan nobo, y tabata bay bon cu tur e Discjockey y Locutornan laborando na e emisora. Na famianan di e fayecida, DIARIO ta manda palabranan di condolencia.
