Estreno di tres pelicula nobo di Desiree Croes

ORANJESTAD (AAN): Desiree Croes a haci estreno oficial di dos pelicula cortometrahe y un largometrahe nobo e luna aki.

E dos peliculanan cortometrahe ta “E Carta”,  storia di un famia ambicioso p’e herencia miyonario cu nan omo a laga atras y “A-11”, cu ta relaciona cu e fenomeno di usa telefon celular den trafico.

Desiree a lansa e pelicula largometrahe titula “Luz riba Lama”, un storia di hecho real di un piscado cu a perde pa un tempo riba e lama enorme di Caribe.

E tres pelicula a wordo estrena den Principal Theatre na San Nicolas, hunto cu e cast y famia di e elenco. Pronto publico di Aruba tambe lo tin e oportunidad pa aprecia e 3 pelicula nobo aki di Berea Productions.