Esnan di scol di anochi tambe a ricibi nan diploma

ORANJESTAD (AAN): Recientemente a tuma lugar den Ballroom di Hyatt Regency Aruba, e anochi di graduacion di esnan cu a sigui estudio den oranan di anochi.

   Ministro di Enseñansa Gerlien Croes, tambe tabata presente na graduacion di OABA (Openbaar Avond Beroepsonderwijs Aruba), unda el a hiba un discurso tambe na tur esnan presente.

   El a splica cu enseñanza di anochi, ta un ehempel poderoso di cu nunca ta laat pa sigui soña y logra bo metanan.

   El a expresa palabranan di caluroso pabien na tur graduado! Cu perseverancia y dedicacion, boso a demostra cu tur cos ta posibel. Sigui avansa y sigui inspira.

   E potretnan aki pa cortesia di Ministerio di Enseñanza.