Esnan di Marinierskazerne a bay haya Commando Training Frances na Martinique

ORANJESTAD (AAN): Recientemente militarnan di Marinierskazerne Savaneta y tambe di Forza Aereo Real (Compagnie in de West) cu sede na Curacao,

a bay ricibi un Commando Training Frances duna na Martinique, y suministra pa 33e Régiment d’infanterie de Marine conoci como RIMa.

   Durante e training aki, e oficialnan Frances ta haci pruebanan pisa tanto fisico y mental cu e soldatnan aki.  Pa colmo, e temperatura y e humedad halto den e area di selva aki na Martinique, ta full diferente cu loke nan ta costumbra cune na Islanan ABC of na Hulanda.

   “E ta un trabao hopi duro den un medio ambiente hopi humedo.  Nos ta haci ehercicionan tanto cu e grupo como tambe individual.  Nos ta keda tur kibra, pero e ta yena cu reto,” ta loke un di e cursistanan Hulandes a bisa di e training fuerte aki.

   E posibilidad di haya e training Frances aki ta posible cada dos aña.  Pasobra e siguiente aña e Mariniernan na Aruba ta prepara pa un training yen reto pa e Francesnan.