ORANJESTAD (AAN): Den fin di siman, e grupo di camp di Parlamento Hubenil a bishita Corte di Husticia na Oranjestad.
Aki nan a ricibi un presentacion encuanto Trias Politica, tambe encuanto Corte Comun di Husticia, Corte di Prome Instancia di Aruba, e funcionnan di Hues y di Griffier, y a ricibi splicacion riba recien sentencianan den Corte riba tur tereno di derecho (derecho civil, derecho administrativo, y derecho penal).
E presentacion a wordo percura door di Hues Angela hunto cu e secretario hudicial Dimanche. E hobennan na final a haya chens di bay check e cel di detenidonan na Corte, y tambe check un Bus di detenidonan cu CEA ta uza pa transporta for di prizon pa Corte.
Nan ta sigur cu e hobennan a haya e dia aki interesante, y cu nan a ricibi un mihor idea con e sistema hudicial ta funciona na Aruba.
