Esnan di Brighter Future Academy tambe den Dia Nacional di Cuida Aruba

ORANJESTAD (AAN): Ta un sentimento special ora bo mira cu un luga bira mas limpi danki na e esfuerso y union di e hendenan cu tin amor pa nan isla.

   Hunto cu Brighter Future Academy Foundation, a participa den Dia Nacional Ban Cuida Aruba, un iniciativa cu ta recorda nos cu cuida Aruba no ta responsabilidad di un persona so, pero di nos tur.

Cada saco di sushi cu nos a yena, cada area cu nos a haci limpi, ta un paso mas cerca di un Aruba cu nos por sigui disfruta y laga atras pa e siguiente generacion.

   Danki na tur boluntario cu a duna un man y a mustra cu ora a traha hunto, por haci un diferencia real.

Sigur un danki na cada famia y amigo cu a bin duna un man pa haci Aruba limpi.