Esnan di Aruba Doet a embeyece e Laberinto di Paz na Alto Vista

ORANJESTAD (AAN): Ya caba prome cu solo a sali, tur herment tabata poni caba eynan pa tur boluntario cu yega na e Laberinto di Paz cu tin net pariba di e Kapel di Alto Vista.

   Boluntarionan a yega cu yen di animo pa embeyece e hardinnan, gradualmente a snoei e matanan cu tin eybanda cu tabatin blachinan yen di malesa, manera e matanan di Foyo di Cruz, Watapana, Wayacá, Aloe, Shimarucu, y matanan Teco.

   Mas boluntario a keda yega cu varios herment mas, incluyendo aparato pa corta yerba, halado, y garetia.  Rapidamente a mira e pistanan di e Laberinto bira mas claro y a wordo mehora cu santo blanco.

   Aki tabatin teamnan di e.o. Deloitte Dutch Caribbean, y Departamentonan di Asunto Social, y tambe IMC Corporate Services.

   Durante pausa, nan a disfruta di coffie cu delicioso muffins fresco di Santos Coffee With Soul, y pasabocanan saludable incluyendo juice fresco di mango.

   Como parti di e proyecto di Aruba Doet, nan a restaura e Laberinto aki pa di cuatro biaha.  Awor cu e ta bunita bek atrobe, e ta mas facil pa mantene cu e programa di ‘Adopt-the-Labyrinth-for-a-Week’.

   Si bo ta interesa pa uni na e comunidad di Laberinto aki, por manda email pa Gea Sougé na This email address is being protected from spambots. You need JavaScript enabled to view it. pa haci esey.  Unavez bo adopta e Laberinto pa un siman, lo bo tin di bishita e lugar aki 3 biaha pa muha e mata y palonan, corta taki unda ta necesario, y haci e area limpi.

   Un palabra di danki na tur boluntario cu a yuda haci e area aki bek bunita.