ORANJESTAD (AAN): Durante un conferencia di prensa di Crisis Team, representante di Departamento di Salud, Sharline Koolman
a haci un recordatorio na esnan cu a haya e prome vacuna e weekend aki pa tene cuenta cu nan mester tuma e di dos dosis dentro di 3 siman.
Nan ta bay haya e invitacion pa medio di e Aruba Health App, sino riba e carchi di vacunacion por controla ki dia a haya e vacuna y mester conta tres siman pa por haya e di dos dosis, a bisa.
Na e momento ey cu a haya e di dos dosis e ora e persona ta cla cu e vacunacion, pero ainda mester warda 2 siman despues di e ultimo fecha di e vacuna pa asina por wordo considera completamente vacuna, Sharline Koolman a indica.
Despues di e dos siman ey, e curpa ta traha suficiente anticurpa pa por proteha bo mas tanto posibel di e malesa, el a enfatisa.
