MEXICO CITY: Despues di aproximadamente un aña sin mira otro, María Antonieta de las Nieves y Edgard Vivar a topa otro atrobe riba red carpet durante un evento.
E actornan no a pensa cu nan lo bay topa otro, y pesey nan sorpresa tabata grandi ora di a nota cu nan ta djis algun paso leu di otro. Esaki ta momento cu mesora Chilindrina a acerca Ñoño pa dune un abrazo fuerte, y esaki a crea momentonan di alegria pa esnan presente.
E momento conmovedor aki a wordo capta pa varios medio di prensa cu tabata cubriendo e evento, y nan no a duda pa mesora hala nan hunto pa entrevista nan. Prome a papia e actriz, kende a yega di hunga e rol tambe di wela di Chilindrina. “Despues di hopi tempo cu mi no ta mire, ta hopi bon mes cu Luis de Alba a dicidi na invita nos.”
E show di ‘El Chavo del 8’ a wordo traduci den varios idioma, y ta parce cu e ta den 50 idioma. E exito di e programa a wordo considera como un leyenda, y ta un referente historico pa papia di e comienzo di TV den America Latino.
