ORANJESTAD (AAN): Veterinaire Dienst ta recorda tur persona cu kier sacrifica un cabrito,
carne of porco pa consumo mester haci esaki na Abattoir. Matamento di bestia na cas ta ilegal y por tin su riesgonan pa salud di hende.
Tur hende cu kier haci uso di servicio di Abattoir pa sacrifica un bestia durante luna di November y December 2025 por haci esaki for di Dialuna te cu Diahuebs, parti mainta cuminsando riba Dialuna 9 di November te cu Diahuebs 17 di December 2026. Riba Diamars 12 di Januari 2027 abattoir lo ta operacional atrobe.
Via di cita: Alabes ta anuncia cu e proceso di sacrifica animal na Abattoir ta tuma luga a base di cita. Doño cu ta desea di sacrifica un of mas animal pa come mester percura pa yama di antemano pa confirma cu e kier haci uzo di e servicio di Abattoir. Esaki ta pa purba coordina e matansa na un manera mas structura, cumpliendo cu reglanan di higiena y e prevencion di malesanan infeccioso.
Pa haci un afspraak por tuma contacto cu Veterinaire Dienst na telefoon 522-4310 of 522-4320 of pasa personalmente na Veterinaire Dienst, Barcadera 1.
Ta pidi encarecidamente pa trece animalnan na e ora duna di e cita. Si no bin na e ora stipula haci un cita di nobo. Corda bon sin cita bo lo no wordo atendi.
Riba e mesun dia di matansa ta bay cu e carni despues di e pago na administratie; abattoir no tin servicio di warda carni y no ta responsabel pa esaki. Tene na cuenta cu ultimo dia pa mata bestia ta Diahuebs 17 di December 2026 cu un capacidad limita; pues no warda te ultimo ora y traha bo cita di antemano.
Ban coopera hunto pa asina e proceso na Abattoir por bay na un manera planifica y trankil pa asina nos tur por pasa un bon fin di aña.
