Esaki a aparece riba beach na Australia y ningun hende sa kico e ta

SYDNEY: Un tipo di fenomeno y obheto marino largo cu ta consisti di hopi bestia cu ta move riba dje,

a sorprende tur hende na un beach cerca di Sydney na Australia.  Esey ta debi cu e bestianan aki a spula riba beach, y keto bay tabata na bida.

   E señora Vicki Hansen a bisa cu e tabata canando cu su cacho na Greenhills Beach na Sutherland Shire den oranan di mainta, ora cu el a mira algo cu ta ponebo pensa riba ‘The Stranger Things’.  El a bin topa cu varios bestia raro cu tin parecido na clam ta move hopi poco-poco riba un obheto basta largo.

   El a bisa cu el a spanta, pero mirando e hecho cu ultimo tempo tin hopi cos inusual cu ta spula na beach, el a pensa cu esaki ta algo mas cu oceano a trece pa oriya.  Pero nunca el a yega di mira algo asina.

   E biaha aki ta un sorto di bara largo, y riba dje un cantidad ‘fascinante’ di bestianan cu ta move masha raro mes.  Y ya caba algun hende den e bario ta trahando teoria ‘siniestro’ di su desaparicion.

   Hansen a saca potret y video unda bo ta mira miles di clam cuta pega den otro, y ta move riba e troncon largo cu tin tentaculo na dje claramente visible.

   “Hopi ta colga debilmente, pero ora cu mi a sak pa mira nan mihor, mi a mira cu algun ta move, manera den un especie di bayena slow.”

   E dama a pensa cu probablemente esnan mas debil a muri ora cu a sali for di lama, y cu esnan cu ainda ta moviendo ta haciendo nan ultimo baile di morto.  Pero si e tabata hopi surealistico, straño, pero bunita alavez.

   Vicki Hansen no tabata e prome cu ta topa cu e bestia raro aki riba beach.  Varios ciudadano mas di e pueblo ey a publica potret di e bestia aki riba Facebook buscando yudanza pa purba identifik’e.

   Nan ta spera cu e siguiente marea halto lo debolbe e bestia y tur e clamnan chikito bek pa lama.

   Rond mundo, hopi biaha animalnan raro ta spula na costa, y principalmente na costanan di Spaña y Portugal.

   Expertonan a bisa cu e especie di percebes cu a mira na e beach na Sydney ta ‘lepas’, basicamente pelagico cu nifica cu nan ta biba den area di lama leu for di tera.  Esey ta loke un profesor di School of Biological Service di University of Queensland a indica.

   Tin biaha nan ta spula na tera, ora cu e obheto ta keda pega riba beach.  Nunca a mira uno ta biba den zona cerca di tera.  Nan ta pega nan mes na obhetonan cu ta flota den oceano habri, unda nan ta alimenta nan mes cu plankton.

  A yega di mira nan pega riba halanan di Delfin baby, y tambe riba tortuganan cu no ta move rapido den lama debi na malesa.