EPB Oranjestad hopi agradecido pa e trabao di Meneer Rosel

Un despedida especial pa un maestro excepcional!

ORANJESTAD (AAN): E siman aki, despues di hopi aña di dedicacion, pasenshi y amor pa su trabao, esnan na EPB Oranjestad a bisa Meneer Rosel danki pa tur loke el a haci pa e scol y su alumnonan.

   Loke a ser treci dilanti, ta cu e conocemento di Meneer Rosel di Science y Wiskunde, su disciplina y su manera di guia y inspira alumnonan lo keda den memoria di tur hende.

   “Meneer Rosel, bo a duna hopi di bo mes na nos scol. Awor ta tempo pa bo disfruta di bo pensioen, cu hopi descanso, alegria y momentonan bunita,” ta e mensahe cu EPB Oranjestad a transmiti na dj’e.

   Nan ta gradici Meneer Rosel, y bise danki pa tur aña di servicio y dedicacion.