ORANJESTAD (AAN): E ta un momento cu el a bay pasa y cumpra su numbernan di suerte.
El a cumpra e numbernan aki pa wega di Zodiac.
Mas laat el a mira e sorteo, y asina Enyerbeth a nota cu el a gana tambe!
Pesey riba Dialuna el a acudi na oficina di Lotto na Playa pa reclama su premio. Aki el a entrega su ticketnan na e funcionario di Lotto, cu a revisa cu el a pone su firma y tambe number di cuenta di banco parti patras. Ora cu el a scan e barcode, e computer a confirma cu Enyerbeth a gana e suma di 45.000 Florin total cu e wega di Zodiac.
Asina a sigui cu e proceso pa transferi e premio electronicamente pa su cuenta di banco. Enyerbeth a indica cu e ticket ganador el a cumpra na J’s Lottery.
