ORANJESTAD (AAN): Aunke tin hende cu ta contra di dje, toch hecho ta cu ya caba e Tram a bira un atraccion caba na Oranjestad.
E bon noticia ta cu entrante Dialuna 31 di Juli 2023, cu Tram lo bay ta bek den Caya Grandi.
Pesey di awor caba, Arutram ta notificando publico cu nan lo ta moviendo bek den Caya Betico Croes.
DIARIO a compronde cu nan lo ta coriendo den Caya Betico Croes, for di Dialuna te cu Diabierna, di 1:00 pm te cu 4:30 pm. Esaki nifica cu den e horarionan aki, trafico di motor no ta permiti pasa den Caya Grandi.
