Pa siguridad di personal y pashent a muda departamento di Opname temporalmente
ORANJESTAD (AAN): Durante varios dia caba e departamento di Opname di Horacio Oduber Hospital ta sinti molester di e construccion cu ta andando.
Manera DIARIO a trece dilanti den su edicion di awe, cu Diabierna mainta un incidente a socede cu a mustra cu e trabao ta peligroso.
Pesey awor Hospital a laga sa, cu pa motibo di siguridad a dicidi di muda e departamento aki temporalmente na e edificio di MOB, esta e Medical Office Building cu ta e prome edificio di 2 piso cu ta topa ora subi tereno di Hospital. Pues, desde dialuna 25 di april nan lo ta ubica den nan localidad temporal na edificio MOB.
Si bo persona mester acudi na departamento di Opname, paso pronto lo mester worde admiti na Hospital pa un operacion por fabor tene cuenta cu e cambio aki.
Trahando na un manera responsabel y sigur p’e pashentnan ta un prioridad fundamental pa e institucion aki. Na final di e proyecto di construccion, Hospital lo por brinda mas y miho cuido na tur pashent
