Entrada colecta di e pista di schaats a worde otorga na Luna Foundation

Suma di casi 13 mil recauda na Renaissance Marketplace

ORANJESTAD (AAN): E famia grandi di Wind Creek Aruba a bini hunto un biaha mas pa celebra e temporada di mas dushi na Renaissance Marketplace, grandi y chikito a dusfruta durante e dianan di fiesta cu entretenimento en bibo di diferente banda nan local y e famoso ‘schaatsbaan’ cu a worde dedica e aña aki na Luna Foundation. Wind Creek Aruba ta kere fuertemente den trabaonan comunitario y den duna back na nos comunidad. 

   Cu unicamente Afl. 5, por a disfruta di 15 min di e pista di schaats (‘schaatsbaan’) na Renaissance Marketplace  y contribui na un bon causa. Tur entrada cu a worde genera durante di e periodo di fin di aña na Renaissance Marketplace a worde entrega e aña aki na Luna Foundation. Representante di Luna Foundation Señora Zoe Conijn a ricibi e check di un suma bunita di Afl 12717,40 cual lo aporta na un bus pa sterelisa cachonan, den diferente barionan, sigur lo haci un impacto positivo riba bienestar di animalnan den nos comunidad.

   Luna Foundation ta un organizacion cu ta worde maneha pa un grupo di boluntarionan inspira y ta draai unicamente riba donacion di nos comunidad pa por sigui eherece nan trabao y e lucha pa cu cachonan bandona riba nos isla.

   Adhunto por admira e ambiente na e “schaatsbaan” como tambe entrega di e cheque na representante di Luna Foundation.