Entiero conmovedor di Hubert Tiel

ORANJESTAD (AAN): Diaranson merdia for di 12’or caba, e restonan mortal di e conocido fotografo Hubert Tiel tabata den Misa Santa Filomena na Paradera,

unda un cantidad grandi di ciudadano a bay despedi di dje, y consola famia.  Dilanti Misa, varios integrante di clubnan di muscle cars y tambe classic cars a para pa ricibi su yegada, cu nan motor cendi.  E corteho funebre tabata acompaña pa algun Harley Davidson y tambe algun motorcycle di careda, pa asina rindi homenahe postumo na Hubert kende semper a promove deporte di motor.

   A mira presencia di diferente dignatario na e entiero, y tambe varios ex-personal di Cuerpo di Bombero, y varios personanan kendenan atravez di decadanan largo a interactua cu Hubert.  E respons tabata den man di Pastoor Jairo, kende a elabora riba e trabao di Hubert den comunidad.

   Na final a sali cu un escolta di motorcycle rumbo pa Santana, unda na yegada a ricibi Hubert atrobe cu mucho mas vehiculo di musculo y clasico.  Descansa na paz, Hubert Furai.