Entiero conmovedor di ex-Premier Henny Eman

Acto ceremonial tabata na Plaza Henny Eman

ORANJESTAD (AAN): Dialuna tabata un dia tristo pa Aruba, como cu e prome persona cu a haya titulo di Prome Ministro na Aruba como pais, esta Henny Eman, a wordo hiba pa su ultimo lugar di sosiego.

   Tur dignatario, comunidad, famia, y conocirnan di Henny Eman a bay despedi di dje.  Despues di tabata mainta pa despedi di su gran sostenedornan na Cas di Partido AVP, a sigui y pasa dilanti oficina di Gobierno, unda Ministro Demisionario Xiomara Maduro a hiba palabra.

   Despues a pone e entiero di honor pa Jan Hendrik “Henny” Albert Eman na Plaza Henny Eman, for di 10:30 am te cu 4:00 pm.  Diferente persona a hiba palabra na e ocasion aki pa refleha riba bida di Henny Eman, incluyendo ex-Prome Ministro di Antiyas, Maria Liberia Peters.

    Despues di e ceremonia, e entiero lo tuma lugar na Santana Protestant, den Caya Ernesto Petronia na Playa.