ORANJESTAD (AAN): E wega di 1-Off introduci algun tempo pasa na Aruba, ta dunabo chens di hunga un number, y si cada uno di e cifranan ta ‘off’ un tiki,
ainda bo ta gana.
E ciudadano Enrique a busca e numbernan perfecto, cu e bet perfecto, y a gana tambe pa e wega di 1-Off. Pero aki ta unda el a haci algo despues di a gana esey.
El a dicidi na ‘inverti’ atrobe su numbernan, pero e biaha aki el a hunga e numbernan pa e sorteo di Big4, y el a bin gana un suma grandi!
Pesey riba Diabierna el a presenta na oficina di Lotto na Playa pa reclama su premio. Aki mesora nan check si el a pone su firma na e banda patras di e ticke, y despues a scan e barcode den nan computer, cu rapidamente a divulga cu Enrique a gana 28.500 Florin.
Asina a cuminza cu e proceso pa transferi e premio electronicamente pa su cuenta di banco. Enrique a indica cu e ticket ganador el a cumpra na The Champ Lottery.
Aki por mira Enrique contento cu su premio cu sigur ta bon bini e dianan aki.
