Encuesta ta wordo haci cu 1.500 turista bishitando Aruba

Estudio di ATA pa midi expectativa y sentimento di nan

ORANJESTAD (AAN): Oficina di Turismo (A.T.A.) actualmente ta conduciendo un encuesta amplio pa evalua e sentimento di bishitantenan. E encuesta tin como meta pa midi e sentimento di bishitantenan, y tambe pa obtene un miho bista tocante nan experencia riba nos isla y si esaki ta cuadra cu nan expectativa.

  Un total di 1.500 turista lo worde acerca pa studiantenan di Universidad di Aruba pa participa den e encuesta cu ta tumando luga na 14 diferentelugar y punto di atraccion rond di nos isla, entre otro na California Lighthouse, Alto Vista, Bushiribana, Casibari, Ayo Rock Formation, Quadirikiri, Fontein y na diferente di nos beachnan. E encuesta lo conclui dia 13 di november benidero.

  Un di e metanan principal di e estudio aki ta pa comprende con un multitud di hende por  influencia of afecta e experiencia di bishitante. Bishitantenan lo worde puntra tocante nan percepcion di y sentimento pa cu cierto cantidad di multitud y con esaki ta influencia nan experencia na elugar.

  E resultado di e estudio aki lo duna un miho bista riba kico bishitantenan ta spera durante nan bishita na Aruba y tocante nan experiencia en general. E dato aki lo yuda A.T.A. pa mehora e experiencia turistico riba nos isla.

   E resultado di e estudio lo worde presenta na luna di december. Pa algun di elugarnan, A.T.A. a condusi e mesun estudio na 2018, pues pa e lugarnan aki por haci un comparacion entre e feedback. . A.T.A. ta contento di scucha e bos di nos bishitantenan y uza nan feedback pa haci Aruba un destinacion aun mas atractivo