Juffrouw Kimberly Croes a indica:
ORANJESTAD (AAN) – Juffrouw Kimberly Croes, maestra di Klas 4de A y cabesante suplente di Colegio Laura Wernet-Paskel, den entrevista cu DIARIO, a duna di conoce cu nan celebracion di Dia Himno y Bandera a tuma lugar den Hofi Modechi, cu tin e nomber aki pasobra Modechi a lanta e hofi aki pa e scol, y a planta hopi fruta y berdura.
“E aña aki, en conexion cu nos celebracion cada klas ta pasa 20 minuut den e Hofi y nan ta siña wak con e matanan ta creciendo, y ki tipo di mata nos por sigui planta ambe.
Actualmente klas 4de ta plantando bonchi y tin temporada, ora cu nos saca e bonchi tambe e muchanan ta siña con pa pela e bonchi y nan ta come tambe” Juffrouw Croes a splica.
Entre e productonan cu nan tin, Juffrouw a menciona patia, concomber, bacoba, banana, granatapel, hasta mata di torohil. “Nos ta bayendo bon y danki na Aruba Doet nos a pone e baki matanan y baki di awa pa asina tambe e matanan por haya awa, y nan tin nos sistema di riego”, Juffrouw Croes a duna di conoce.
{gallery}En conexion cu Dia di Himno y Bandera, Colegio Laura Wernet Paskel a celebra den Hofi Modechi{/gallery}
