Duna pa Land Academy Aruba
ORANJESTAD (AAN): Un grupo di empleadonan di Departamento di Cultura Aruba a participa den un workshop riba Inteligencia Emocional duna pa Land Academy Aruba. Ademas a participa empleadonan di Enseñansa pa Empleo y Departamento di Obranan Publico.
Durante e sesion, e participantenan a siña con pa reconoce y maneha emocionnan propio y di otro den un manera profesional. Un di e puntonan importante tabata reflexion propio, un instrumento clave pa desaroyo personal y laboral.
Un danki na Departamento di Recurso Humano pa organisa esaki.DCA ta compromete pa sigui motiva bienestar y formacion di su empleadonan.
