ORANJESTAD (AAN): Estudionan ta indica cu (1) den cuatro (4) hende muher den comunidad, cu haya nan menstruacion, no por carga e gasto pa e productonan sanitario necesario.
Cu esaki den mente Rode Kruis Aruba a inicia e Proyecto: “Menstrual Hygiene Products”.
E proyecto ta yuda conscientisa e comunidad ariba e problematica aki y tambe ta yuda colecta producto di higiene femenino pa Rode Kruis por traha pakete pa entrega na teeners y mama hoben, mensualmente.
Aruba Bank ta consisti di 75% empleadonan femenino y a wak e iniciativa aki como un bunita oportunidad pa duna un man na un grupo di damas cu mester di ayudo.
Entre e empleadonan a logra colecta un cantidad substancial di producto di higiene femenino pa aporta na e causa.
Gerencia di Aruba Bank ta orguyoso di e sosten y e comprension cu e coleganan femenino y masculino a duna na e proyecto y ta aplaudi e iniciativa aki di Cruz Cora Aruba.
